🔹 भगवान बुद्ध आणि त्यांचा धम्म-पोस्ट नं.१३४.*🔹 *🔹१२. सम्यक मार्गानुसरण.🔹

◾भाग -२◾
•भाषणात सावध असणे, विचारात संयम राखणे,कायेने कोणतेही पाप न करणे, हे काया-वाचा-मनास आचारावयाचे तीन मार्ग अवलंबिल्यावर प्रज्ञावंतांनी निर्देशलेल्या मार्गाने माणसाला जाता येते.
• वास्तविक ज्ञानाने लाभ होतो आणि त्याच्या अभावाने नाश होतो.लाभाचे आणि नाशाचे हे दुहेरी मार्ग ओळखून ज्ञान वाढेल असा माणसाने उद्योग करावा.
• शरदऋतूतील कमळाप्रमाणे माणसाने आत्मप्रीती खुडून काढावी. शांतीचा मार्ग जवळ करावा.सुगताने निर्वाणाचा मार्ग निर्दिष्ट केलं आहे.
• अधर्माने वागू नका. अविचाराने जगू नका. दृष्ट सिद्धांतांचे अनुकूलन करु नका.
•जागे व्हा. सुस्त पडू नका. सदगुणांची कास धरा. सद्गुणी इहलोकी सुखी असतात.
•जो पूर्वी अविचारी होता आणि नंतर सुविचारी झाला तो घनविमुक्त चंद्राप्रमाणे जग तेजस्वी करतो.
• जो दुष्कृत्ये सोडून सत्कृत्ये करू लागला आहे तो घनविमुक्त चंद्राप्रमाणे जगाला प्रकाशित करतो.
• एका धर्मनियमाचे उल्लंघन करून जो असत्य बोलतो तो कोणते दुसरे दुष्कृत्ये करणार नाही, हे सांगवत नाही.
• जे सदैव सावधान असतात, जे रात्रंदिवस अभ्यास करतात, जे निर्वाणासाठी आटोकट प्रयत्न करीत असतात, त्यांची दुर्विकार (आसव)शेवटी लोप पावतात.
• अशी एक जुनी म्हण आहे की, जो स्तब्ध बसतो,त्याला लोक दुषण लावतात. जो फार बोलतो त्याला लोक दुषण लावतात आणि जो अगदी थोडे बोलतो त्यालाही दूषण लावतात. खरोखर, ज्याला दुषणच लावले नाही असा या जगात कोणीच नाही.
• ज्याला सदैव दूषण देतात किंवा ज्याची सदैव स्तुती करतात असा पुरुष पूर्वी नव्हता, आता नाही,आणि पुढेही कधी होणार नाही.
• वाणीच्या क्रोधापासून सावध राहा आणि जिभेचा संयम करा. मानसिक पापांचा त्याग करा आणि आपल्या मनानेही सदगुणांचा आचार करा.
• अप्रमाद हा निर्वाणाचा मार्ग आहे,प्रमाद मृत्यूचा मार्ग आहे. जे अप्रमादी आहेत ते अमर आहेत आणि जे प्रमादी आहे ते मृतवत आहेत.
( संदर्भ- भगवान बुद्ध आणि त्यांचा धम्म, लेखक- डॉ.बाबासाहेब आंबेडकर, पान नं.२८४.)*